Búast við þungri umferð um helgina

Búast má við því að mikil umferð verði um allt land um helgina því víða fara fram hátíðarhöld. Þjóðlagahátíð verður á Siglufirði, Vopnaskak á Vopnafirði, Írskir dagar á Akranesi, Besta útihátíðin á Gaddstaðaflötum við Hellu, hjólreiðakeppnin Tour de Hvolsvöllur á Hvolsvelli og Dýrafjarðardagar á Þingeyri. Einnig verður mikið um að vera í Búðardal.

Ökumenn eru hvattir til að sýna aðgæslu á ferðum sínum, þar sem búast má við mikilli umferð um allt land um komandi helgi. Á Suðurlandi verður mikill fjöldi hjólreiðamanna á ferð á laugardag í tilefni af hjólreiðakeppninni og er sérstök ástæða til að hvetja til varúðar gagnvart þeim.

Umferðarstofa hvetur þá sem eru með til að tryggja öryggi þeirra og það sem að jafnaði er talað um þegar umferðarhelgar fara í hönd á við. Það snýst um öryggisbúnað, hraða og almenna aðgæslu. Fólk er hvatt til að aka ekki eftir neyslu áfengis og einmitt að ætla sér góðan tíma til að hreinsa það úr blóðinu. Það tekur lengri tíma en margur hyggur.