Sumarið er komið - 24,4 gráður á Suðurlandi

Það má með sanni segja að júnímánuður byrji vel því heiðskýrt er að mestu um allt land og hitatölur sjást sem einhverjum gæti einungis dreymt um að sjá erlendis. Mestu hlýindin hafa mælst á Þingvöllum, 21,8 gráður, og á Eyrabakka 24,4 gráður, samkvæmt upplýsingum á vef Veðurstofu Íslands.

Á Hellu hefur hitinn farið upp fyrir 19 gráður og sömu sögu er að segja á Hjarðarlandi í Biskupstungum. Í Reykjavík mældist 15 stiga hiti klukkan þrjú í dag og á Akureyri 13,1 gráða.

Spáð er áframhaldandi hlýindum um helgina. Því má með sanni segja að sumarið sé komið til okkar.