Eldsvoði í sorpeyðingarstöðinni Kölku

Starfsmenn sorpeyðingarstöðvarinnar Kölku í Reykjanesbæ, sakaði ekki þegar eldur kviknaði þar rétt fyrir klukkan sex í morgun.

Húsið er stórt að umfangi og 10 til 15 metra hátt, og logaði undan þakskeggi þegar slökkviliðið kom á vettvang.

Búið er að slökkva þann eld en eldur kraumar á milli þilja í norðurgafli hússins og eru slökkviliðsmenn að rjúfa hann til að komast að eldinum þar.

Ekkert er enn vitað um eldsupptök, enda hefst rannsókn ekki fyrr en að slökkvistarfi loknu.