Innlent

Dómur í Exeter kveðinn upp í dag

Jón Hákon Halldórsson skrifar
Sakborningar í Exetermálinu þegar málið var fyrir Héraðsdómi Reykjavíkur.
Sakborningar í Exetermálinu þegar málið var fyrir Héraðsdómi Reykjavíkur.
Dómur verður kveðinn upp í Exetermálinu svokallaða í dag. Um er að ræða fyrsta málið sem sérstakur saksóknari ákærði í. Í málinu voru þeir Ragnar Z. Guðjónsson, fyrrverandi forstjóri Byrs, Jón Þorsteinn Jónsson, fyrrverandi stjórnarformaður bankans, og Styrmir Bragason, fyrrverandi forstjóri MP banka, sakaðir um umboðssvik.

Málið snýst um 1100 milljóna króna lán sem Byr veitti Exeter Holding á seinni hluta ársins 2008. Lánið var notað til þess að kaupa stofnfjárbréf af MP banka og tveimur stjórnarmönnum Byrs á yfirverði. Þremenningarnir voru allir sýknaðir í Héraðsdómi Reykjavíkur en dómurinn klofnaði í afstöðu sinni. Einn dómaranna, Ragnheiður Harðardóttir, vildi sakfella Jón Þorstein og Ragnar.

Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið