Flutningur Grétu og Jónsa gekk vel - Svartfjallaland vekur athygli

Íslenski Eurovision-hópurinn stóð sig með stakri prýði þegar þau stigu á svið í Kristalshöllinni í Bakú í kvöld. Þau Gréta Salóme og Jónsi voru önnur í röðinni en það var Svartfjallaland sem opnaði söngvakeppnina í ár.

Lagið frá Svartfjallalandi hefur vakið mikla athygli enda er það afar óhefðbundið. Hægt er að hlusta á lagið hér fyrir ofan.

Fyrr í dag sagði Gréta Salóme að strangar æfingar hópsins hefðu skilað árangri og að lagið væri fyrir löngu komið í vöðvaminni þeirra.