Fundu risavaxin risaeðluegg í grjótnámu

Verkamenn í grjótnámu í Kákasusfjöllunum hafa fundið það sem talin eru stærstu risaeðluegg í sögunni. Sum þessara eggja eru allt að meter að ummáli.

Hingað til hafa fundist um 40 af þessum eggjum í námunni en talið er að mun fleiri séu enn ófundin. Nú er verið að rannsaka af hvaða tegund risaeðla þessi egg séu.

Sérfræðingar í Moskvu eru hinsvegar efins um að þetta séu risaeðluegg enda eru engar sannanir til fyrir því að risaeðlur hafi nokkurn tímann lifað þar sem nú eru norðanverð Kákasusfjöll.