Handboltinn í fyrirrúmi í Boltanum á X-inu 977

Það er bikarúrslitahelgi í handboltanum og stórleikur í Meistaradeildinni um helgina og því verður mikið fjallað um handbolta í Boltanum á X-inu 977 í dag. Þátturinn er á milli 11 og 12.

Þjálfarar karlaliðanna sem mætast í úrslitum - Aron Kristjánsson og Einar Jónsson - kíkja í heimsókn.

Svo verður slegið á þráðinn til Arnórs Atlasonar, fyrirliða danska liðsins AG, en AG mætir Kiel í stórleik helgarinnar í Meistaradeildinni í handbolta.

Þess utan verður fylgst ítarlega með gangi mála í landsleik Japans og Íslands sem hófst klukkan 10.20.

Það eru íþróttafréttamennirnir Henry Birgir Gunnarsson og Eiríkur Stefán Ásgeirsson sem stýra þætti dagsins.