Guðjón Valur: Vildi alltaf spila með Kiel

Guðjón Valur Sigurðsson segir að draumur hafi ræst með því að skrifa undir tveggja ára samning við Kiel. Félagið tilkynnti um samninginn í morgun.

„Ég hafði alltaf óskað mér þess að spila einn daginn með Kiel," sagði Guðjón Valur á heimasíðu félagsins. „Loksins gekk það eftir. Ég hlakka mikið til að koma til Kiel, spila í Sparkassen-Arena og fyrir stuðningsmennina."

Klaus Elwardt er framkvæmdarstjóri Kiel og sagði þetta góðar fréttir fyrir félagið. „Guðjón Valur er góður drengur og leikmaður í heimsklassa. Hann passar vel inn í okkar lið og leikskipulag þess."