Makrílvertíðin á lokasprettinum

Makrílvertíðin er nú á lokasprettinum og aðeins um tíu þúsund tonn óveidd af 145 þúsund tonna kvóta í ár.

Veiðarnar hafa gengið vel frá því að þær hófust í júní og hefur yfirgnæfandi meirihluti aflans farið í vinnslu til manneldis.

Nú er svo komið að stóru skipin eru hætt að leita sérsatklega að makríl, heldur einbeita sér að Norsk-íslensku síldinni. Makríll slæðist með við þær veiðar, og nýtist þá afgangskvótinn til að mæta þeim afla.

Mestu hefur verið landað í Neskaupstað, næst mest í Eyjum og Vopnafjörður er í þriðja sæti.