Málflutningur í september

Munnlegur málflutningur í máli ESA gegn Íslandi fyrir EFTA-dómstólnum vegna Icesave hefst 18. september næstkomandi. Þetta kemur fram í tilkynningu frá utanríkisráðuneytinu.

Framkvæmdastjórn ESB hefur skilað af sér greinargerð í málinu þar sem stutt er við málflutning ESA, það er að Ísland hafi gerst brotlegt við tilskipun um innistæðutryggingar þegar Landsbankinn féll. Þar að auki hafi aðgerðir íslenskra stjórnvalda falið í sér mismunun milli íslenskra og erlendra innistæðueigenda. Ísland hafnar rökum framkvæmdastjórnarinnar og mun skila athugasemdum á næstu vikum. - þj