Ragnhildur Gísladóttir á Norrænum músíkdögum

Ragnhildur Gísladóttir söngkona, Sólrún Sumarliðadóttir sellóleikari úr Aaminu og Hafdís Bjarnadóttir, jazzgítarleikari, spila frumsamin tónverk og hljóðgjörninga á Norrænum músíkdögum  í Eldborg í Hörpu í næstu viku.

Músíkdagarnir standa yfir dagana 6. - 9. október, og von er á fólki frá Norðurlöndunum, þar með talið frændum okkar í Færeyjum, en einnig Eystrasaltslöndunum og Japan til að mæta á Norræna Músíkdaga. Þá er von á hópi áhugafólks um samtímatónlist frá bæði Bandaríkjunum og Bretlandi á hátíðina.

Hilary Finch, aðaltónlistargagnrýnandi The Times er á meðal gagnrýnenda sem koma til að fjalla um hátíðina og eflaust kveða upp dóm um Hörpuna sem vettvang fyrir klassíska nútímatónlist.