Kvartar til Persónuverndar vegna undirskriftasöfnunar

Arnar Guðmundsson, blaðamaður og fyrrverandi aðstoðarmaður iðnaðarráðherra, hefur sent Persónvuernd erindi vegna undirskriftasíðurnnar kjósa.is. Arnari þykir óeðlilegt að fólk geti ekki séð hvort það hafi skráð sig á vefinn. Hann telur eðlilegt að fólk geti séð hverjir hafi skráð sig á vefinn.

Arnar segir að síðan sé sett þannig upp að ekki sé beðið um staðfestingarnetfang, það sé ekki ruslvörn, né annað sem komi í veg fyrir að hægt sé að keyra rafrænar skrár yfir fólk inn á undirskriftasíðuna. „Það hafa verið sögur á kreiki um slíkt en það getur engin tékkað það. Ég get ekki prófað hvort mín kennitala sé þarna inni," segir Arnar.

Þá gagnrýnir Arnar að það komi ekki fram á undirskriftasíðunni hver standi fyrir söfnun undirskrifta.