J-Lo keypti bíl handa kærastanum

Leik- og söngkonan Jennifer Lopez hefur átt í ástarsambandi við hinn 24 ára gamla Casper Smart undanfarið.

Lopez keypti á dögunum skjannahvítan Bentley handa Smart og í bandarískum fjölmiðlum er sérstaklega tekið fram að bílinn þurfi hann ekki einungis að nota til að skutlast með hana heldur má hann einnig nota hann til einkaerinda.

Jennifer Lopez skildi við söngvarann Marc Anthony í júlí, en samband hennar og unga dansarans Caspers Smart varð opinbert í nóvember þegar þau fóru saman í frí til Havaí.