Þyrla Landhelgisgæslunnar flutti mann og konu á bráðamóttöku Landspítalans eftir harðan árekstur á þjóðveginum við Skriðuland, nærri Búðardal, á fimmta tímanum í gær.
Ástand fólksins var stöðugt í gærkvöldi og það ekki talið í bráðri lífshættu, samkvæmt upplýsingum frá Landspítalanum.
Slysið virðist hafa orðið með þeim hætti að fólksbíl með hjólhýsi í eftirdragi hafi verið ekið í veg fyrir jeppa sem ók eftir þjóðveginum, samkvæmt upplýsingum frá vegfarendum sem komu á vettvang eftir slysið. Erfiðlega gekk að klippa karlmann sem slasaðist út úr bílnum, sem er gerónýtur eftir áreksturinn.
Samkvæmt upplýsingum frá lögreglunni í Borgarnesi tafðist umferð mikið í nokkra klukkutíma vegna slyssins.- bj
Fólkið er ekki talið í lífshættu
Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.
