Florence flott á fremsta bekk

Breska söngkonan Florence Welch hefur stimplað sig inn sem ein helsta tískufyrirmyndin í dag á frekar stuttum tíma.

Hún sást oft og títt verma fremsta bekk á sýningum helstu tískuhönnuða heims á nýyfirstöðnum tískuvikum. Fatasmekkur Welch þykir vera skemmtileg blanda af gamaldags rómantík og nýjustu tísku.

Söngkonan klæddist þessum fallega og rómantíska kjól á Óskarsverðlaunahátíðinni í ár.

Skemmtilegur kögurkjóll sem Welch klæddist er hún snæddi dögurð á vegum Gucci-tískuhússins daginn fyrir Grammy-verðlaunaafhendinguna.

Söngkonan er gjarnan í fötum í brúnum tónum. Hún mætti í þessum sæta kjól í sjónvarpsþátt Davids Letterman.

Welch klæðist gjarnan síðkjólum. Hún mætti í þessu síða gegnsæja pilsi í veislu á vegum tískuhússins Givenchy í mars.