Alexander: Erfitt að eiga við þessa vörn hjá okkur

Íþróttamaður ársins, Alexander Petersson, stóð undir nafni í kvöld er hann átti frábæran leik fyrir íslenska landsliðið gegn Ungverjum.

Alexander skoraði góð mörk, var magnaður í vörninni og stal fjölmörgum boltum af Ungverjunum.

„Ég er ekkert hættur," sagði Alexander sáttur eftir leikinn.

„Við spiluðum frábæra vörn í þessum leik og það er ekkert auðvelt að mæta okkur þegar við spilum svona góða vörn. Við unnum og það er fyrir öllu. Ég er virkilega sáttur við þennan leik."