Innlent

Bréf til Láru - Pólverjar æfir út í saksóknara

SB skrifar
Michal Gierwatowski vararæðismaður og Danuta Szostak, ræðismaður Póllands.
Michal Gierwatowski vararæðismaður og Danuta Szostak, ræðismaður Póllands. Mynd/Anton Brink

Danuta Szostak, ræðismaður Póllands á Íslandi, gagnrýnir Láru V. Júlíusdóttur, saksóknara í máli níumenningana, harðlega. Í bréfi til Láru segir hann fjarstæðukennt að líkja árás níumenningana við átök Pólverja í Keilufelli árið 2008.

Lára V. Júlíusdóttir líkti árás níumenningana við Keilufellsmálið svokallaða en þar var um uppgjör Pólverja að ræða og voru notuð vopn líkt og hnífar, axir, sleggjur og golfkylfur. Lára sagði bæði tilvikin dæmi um mál þar sem hópar ákveða í sameiningu að gera árás.

Ræðismaðurinn segir í bréfi sínu til Láru að það séu engar rökrænar ástæður fyrir þessari samlíkingu og hún sé ósmekkleg. Málin séu algjörlega óskild.

"Að nota sem dæmi glæpamál þar sem pólskir ríkisborgarar eiga í hlut gefur til kynna að málin séu skild og skaða þar með ímynd Pólverja á Íslandi. Þú gætir allt eins tekið sem dæmi fjölmörg tilvik ofbeldisfullra glæpa þar sem íslenskir borgarar eiga í hlut og tengt við málið."

Þá segir Danuta Szostak í bréfinu að í gær hafi fjölmargir hringt á skrifstofu ræðismanns, jafnt Íslendingar sem og Pólverjar, og kvartað undan þessari samlíkingu Láru.

"Ég vil biðja þig að leiðrétta orð þín opinberlega, viðurkenna að þau hafi ekki verið viðeigandi og engin tengsl séu milli málana," segir að lokum í bréfinu.

Tengd skjöl


Tengdar fréttir

Saksóknari líkti níumenningum við pólskt glæpagengi

Lára V. Júlíusdóttur, settur ríkissaksóknari, segir að árás níumenningana hafa verið fyrirframskipulögð og öryggi Alþingis hafri verið stefnt í hættu. Hún vísaði í Keilufellsmálið, þar sem hópur Pólverja réðust vopnaðir hnífum, sleggjum og hömrum inn í hús og misþyrmdu húsráðendum, máli sínu til stuðnings.



Athugið. Allar athugasemdir eru á ábyrgð þeirra er þær rita. Vísir hvetur lesendur til að halda sig við málefnalega umræðu. Einnig áskilur Vísir sér rétt til að fjarlægja ærumeiðandi eða ósæmilegar athugasemdir og ummæli þeirra sem tjá sig ekki undir eigin nafni.

Fleiri fréttir

Sjá meira


Velkomin á Vísi. Þessi vefur notar vafrakökur. Sjá nánar.