Misheppnaður Robbie Savage í Dancing with the Stars

Hinn skrautlegi Robbie Savage tekur þessa daganna þátt í ensku útgáfunni af Dancing with the Stars.

Savage hefur alltaf verið með útlitið alveg á hreinu og þykir mikill smekkmaður. Í einum þættinum fyrir stuttu tók Robbie nokkur Jiive spor með liðsfélaga sínum og ætlaði síðan að enda atriðið með stæl.

Savage renndi sér í áttina að myndavélinni, en virðist hafa misreiknað sig örlítið og rann því beint á myndavélina.

Robbie Savage birti síðar um kvöldið mynd af sér á Twitter-síðu sinni þar sem hann er vel rauður á nefinu fann mikið til.

Sjón er sögu ríkari og hægt er að sjá atvikið hér að ofan, en það sést undir lok myndbandsins.

Savage var atvinnumaður í knattspyrnu til fjölda ára en hefur nú lagt skóna á hilluna og starfar meðal annars sem knattspyrnusérfræðingur í sjónvarpi. Hann lék til að mynda með Leicester City, Birmingham City, Blackburn Rovers og Derby County á sínum ferli.