Kínverjar tala ekki við Norðmenn

Kínverskir ráðamenn hafa algerlega hafnað því að ræða við Gro Harlem Brundtland, fyrrverandi forsætisráðherra Noregs. Ætlunin var að hún leitaði sátta við Kínverja en sambandið milli landanna hefur verið við frostmark síðan andófsmaðurinn Liu Xiaobo fékk friðarverðlaun Nóbels á síðasta ári.

 

Brundtland nýtur virðingar í Kína bæði sem fyrrverandi forsætisráðherra Noregs og framkvæmdastjóri Alþjóða heilbrigðisstofnunarinnar. En Kínverjar eru ekki tilbúnir til að fyrirgefa Norðmönnum ennþá. Sagt er að þetta ósætti hafi kostað Norðmenn milljarða króna í glötuðum viðskiptatækifærum.