Sóley, Guðrún Ebba og Stóra systir fengu viðurkenningar

Stígamót útdeildu viðurkenningum ársins í dag á alþjóðlegum degi gegn kynferðisofbeldi. Á heimasíðu samtakanna segir að í ár hafi sjónum verið beint að „þeim hugrökku konum sem á ólíka vegu hafa fylgt réttlætiskennd sinni og rutt brautina fyrir raunverulegt kvenfrelsi.“

Þá segir að sumar hafi þær dansað á mörkum hins löglega og fyrir það hafi þær allar mætt ýmis konar andstöðu.

„Á Stígamótum trúum við því að slíkar konur gegni mjög mikilvægu hlutverki.  Það er kominn tími til að hampa þeim og lyfta þeim upp í ljósið.  Láta alþjóð vita að við stöndum með þeim og séum þakklátar fyrir hugrekki þeirra.  Ekki veitir af á Íslandi ef við viljum með réttu teljast paradís kynjajafnréttis.“

 

Verðlaunahafar ársins voru þær:

Berit Aas, professor emerita

Guðrún Ebba Ólafsdóttir

María Lilja Þrastardóttir

Margrét Pétursdóttir

Sóley Tómasdóttir

Aðgerðahópurinn Stóra systir.