Stjórn Bankasýslunnar ver ráðningu Páls

Stjórn Bankasýslu Ríkisins segir að Páll Magnússon hafi uppfyllt allar kröfur sem gerðar voru til umsækjenda um starf forstjóra Bankasýslunnar.

Þetta kemur fram í rökstuðningi sem stjórn Bankasýslunnar sendi fjármálaráðherra nú síðdegis. Þar segir að ráðningarferlið hafi verið afar vandað og faglegt.

Páll hafi verið efstur umsækjenda á huglægu getuprófi, næst efstur á persónuleikaprófi og með jafn mikla stjórnunarreynslu og tveir aðrir umsækjendur. Í heilstæðu mati hafi Páll því verið metinn hæfastur til að gegna starfinu.