Umfjöllun: Varamaðurinn Jóhann Birnir kláraði Stjörnuna

Keflvíkingar gengu sáttari af velli en Stjörnumenn að loknum fyrsta leik liðanna á Íslandsmótinu 2011. 4-2 sigur Keflavíkur hafðist eftir miklar sveiflur. Tvívegis komust Garðbæingar yfir en Keflvíkingar jöfnuðu jafnharðann. Það var síðan varamaðurinn Jóhann Birnir Guðmundsson sem kláraði leikinn fyrir Keflavík með tveimur mörkum á síðsta stundarfjórðung leiksins.

Leikurinn byrjaði nokkuð rólega og var leikmenn liðanna töuverðan tíma að venjast þungum vellinum. Hvorugt liðið náði að byggja upp eitthvað spil svo heitið gæti. Efir um hálftíma leik fóru þó hlutirnir að gerast. Fyrst skoraði Daníel Laxdal laglegt mark. Eftir fát í vörn Keflvíkinga náði Daníel að leggja boltann fyrir sig inn í teignum, rekja boltann áleiðis að markinu og lagði varnarjaxlinn boltann undir Ómar í markinu eins og þaulvanur framherji. Staðan 0-1 fyrir Stjörnuna.

Keflvíkingar voru ekki lengi að svara og var þar að verki Hilmar Geir Eiðsson sem slapp einn gegn Magnúsi markverði og lagði knöttinn snyrtilega í netið. Rétt fyrir leikslok var Arnór Traustason miðjumaður Keflvíkinha nærri því búinn að breyta stöðunni í 2-1 en Magnús í marki Stjörnunnar sýndi stórbrotin tilþrif.Hálfleikstölur því 1-1 í jöfnum baráttuleik. Barningurinn hélt áfram í seinni hálfleik og það var einmitt barátta og eljusemi Garðars Jóhannssonar sem skapaði næsta mark leiksins á 61 mínútu.

Garðar vann návígi á miðjunni og sendi boltann inn fyrir vörn Keflavíkur þar sem Halldór Orri Björnsson var fyrri til boltans er Ómar Jóhannsson óð út úr markinu. Eftirleikurinn fyrir Halldór var auðveldur þar sem hann lagði boltann í tómt markið. Rétt eins og í fyrri hálfleik svöruðuðu Keflvíkingar nánast samstundis. Þar var að verki Guðmundur Steinarsson á 63 nínútu úr vítaspyrnu eftir að Pedersen hafði handleikið boltann inn í teig Keflvíkinga. Á 70 mínútu sendi Willum Þór þjálfari Keflavíkur Jóhann Birni Guðmundsson inná og átti hann heldur betur eftir að breyta gangi leiksins. Jóhann skorað laglega 3-2 á 74 mínútu og svo gulltryggði hann sigurinn 4-2 á 85 mínútu. Sannarlega munaður fyrir Willum að eiga slíkan mann á bekknum.

Keflvíkingar geta verið hæstánægðir með úrslitin þótt spilamennskan hafi ef til vill ekki verið óaðfinnanleg. Stjörnumenn sem þótti sumum á þá hallað í dómgæslu voru svekkir og geta kannski kennt lánleysi um. Þeir hefðu í raun vel getað staðið uppi sem sigurvegarar en það voru Keflvíkingar sem nýttu færin á lokakaflanum og sigur Reyknesingum því staðreynd.

Keflavík-Stjarnan 4-2 (1-1)

Áhorfendur: 1150

Dómari: Kristinn Jakobsson 7

Skot (á mark): 11-8 (5-6)

Varin skot: Ómar 3 – Magnús Karl 3

Horn: 6-6

Aukaspyrnur fengnar: 13-14

Rangstöður: 7-4

Keflavík (4-5-1):

Ómar Jóhannsson 5

Guðjón Árni Antoníusson 5

Haraldur Freyr Guðmundsson 6

Adam Larsson 6

Goran Jovanovski 6

Hilmar Geir Eiðsson 7

(70., Jóhann Birnir Guðmundsson 8 - maður leiksins)

Andri Steinn Birgisson 6

Einar Orri Einarsson 5

Arnór Ingvi Traustason 7

(64. Magnús Sverrir Þorsteinsson 7)

Magnús Þórir Matthíasson 7

Guðmundur Steinarsson 7

Stjarnan (4-4-1-1):

Magnús Karl Pétursson 6

Jóhann Laxdal 6

Nikolaj Pedersen 4

Daníel Laxdal 6

Hafsteinn Rúnar Helgason 4

Víðir Þorvarðarson 6

(74. Aron Grétar Jafetsson -)

Björn Pálsson 4

(84. Grétar Atli Grétarsson -)

Baldvin Sturluson 3

(54. Þorvaldur Árnason 4)

Hörður Árnason 5

Halldór Orri Björnsson 5

Garðar Jóhannsson 5