Pattison mætir ekki í afmæli

Frænka leikarans Roberts Pattinson, Diana Nutley, segir hann hafa hætt öllum samskiptum við fjölskylduna eftir að hann varð heimsfrægur. Nutley segir Pattinson ekki hafa mætt í jólaboð, afmælisveislur eða aðrar fjölskyldusamkomur frá því að hann sló í gegn í hlutverki sínu sem vampíran Edward Cullen.

„Það er skrítið hvernig frægðin getur breytt fólki. Aldrei bjóst ég við þessu frá honum," sagði frænkan í viðtali við Star Magazine. Þetta er þó ekki í fyrsta sinn sem hún tjáir sig um frænda sinn því hún hefur einnig rætt einkalíf hans í fjölmiðlum án hans samþykkis.