Jótlandspósturinn birtir skopmynd af forseta Íslands

Jótlandspósturinn birti í dag skopmynd af Ólafi Ragnari Grímssyni, forseta Íslands. Á myndinni, sem fylgir með fréttinni, má sjá Ólaf Ragnar sitja á hesti sem sparkar jakkafataklæddum forsvarsmönnum Hollands og Bretlands.

Undir skopmyndinni segir: „Forseti Íslands, Ólafur Ragnar Grímsson, hefur neitað að undirrita samning til að endurgreiða 27 milljarða lán til Hollands og Bretlands."

Jótlandspósturinn kallar ekki allt ömmu sína varðandi skopmyndir en eins og heimsfrægt varð þá birti blaðið skopmyndir af Múhameð. Teiknarinn var í kjölfarið lýstur réttdræpur auk þess sem Danir hafa verið sérstaklega illa liðnir í hópi harðlínumúslima og hryðjuverkamanna eftir að þeir birtu skopmyndirnar.

Skoða má myndina hér auk annarra mynda.