Vill landið úr höndum hagsmunahópa 8. september 2010 08:00 Íslendingar verða að stefna að sameiginlegu markmiði til að koma landinu upp úr kreppunni. Mikilvægt er að styðja við uppbyggingu nýrra geira hér, segir prófessor Seiichiro Yonekura. Fréttablaðið/Anton Stjórnvöld eiga að nýta kreppuna og byggja upp nýjan iðnað. Draga á úr stuðningi við landbúnað, sjávarútveg og áliðnað. Þrátt fyrir áherslu á ferðaþjónustu má ganga enn lengra, að sögn Seiichiro Yonekura, forstöðumanns í nýsköpunarfræðum við Hitotsubashi-háskólann í Japan. Gera verður landið að einu kjördæmi og færa ákvarðanavald frá sveitarstjórnum til stjórnvalda. Það styður betur við nýsköpun. Þá eiga stjórnvöld að móta stefnu til framtíðar og velja hvaða geira skuli styðja við. Kreppan er tilvalið augnablik til mikilvægra sviptinga, jákvæðra breytinga. Þetta segir dr. Seiichiro Yonekura, forstöðumaður rannsóknamiðstöðvar í nýsköpunarfræðum við Hitotsubashi-háskólann í Tókýó. Hann mælir með því að dregið verði úr stuðningi við landbúnað, uppbyggingu í áliðnaði og stuðningi við sjávarútveg. Það hafi verið gert nógu lengi. Snúa verði við blaðinu og láta fyrirtæki í þessum geira standa á eigin fótum, þau geti aðlagast. Yonekura flutti erindi í síðustu viku á morgunverðarfundi Viðskiptaráðs Íslands, Sendiráðs Japans á Íslandi, Háskólans í Reykjavík og japanskra fræða við Háskóla Íslands þar sem hann fjallaði um uppbyggingu nýrra atvinnuvega. Veljið sigurvegaraYonekura sagði í samtali við Fréttablaðið Japan hafa verið í rúst í kjölfar seinni heimsstyrjaldarinnar. Yoshida Shigeru, forsætisráðherra Japans árin 1946 til 1947, hafi sett á laggirnar nefnd sérfræðinga sem hafi ákveðið að leggja áherslu á uppbyggingu atvinnulífsins. Ekki hafi verið byggt á þeim þáttum sem fyrir voru, svo sem landbúnaði, heldur ákveðið að leggja áherslu á stáliðnað, kolavinnslu, skipasmíði og uppbyggingu í efnaiðnaði. Þessir geirar hafi stutt hver við annan og til dæmis bílaframleiðsla sprottið upp úr því. Þá hafi efnaiðnaðurinn stutt við matvælaframleiðslu og landið orðið sjálfbærara. Það sama hafi verið gert í öðrum Asíuríkjum eftir fjármálakreppuna, svo sem í Suður-Kóreu en þar var byggður upp hátæknigeiri og kraftur settur í bílaframleiðslu. Með þessu móti hafi stjórnvöld valið sigurvegara, þá geira sem áttu að standa upp úr. Yonekura segir Japana hafa gengið í takt eftir seinni heimsstyrjöld og landið því risið fljótt úr rústunum. Öðru máli gegni hér. „Þið eru aðeins um 320 þúsund og skortir samstöðu. Það er ótrúlegt,“ segir Yonekura og bendir á að Íslendingar séu álíka margir og starfsmenn í alþjóðlegu fyrirtæki. Þar geti allir stefnt að sama marki. Blaðinu snúið við í kreppuYonekura segir mikilvægt að nýta kreppuna til að leggja áherslu á uppbyggingu nýs iðnaðar hér á landi, svo sem í umhverfistækni. Hann vill sjá hér grænna samfélag í verki, svo sem fleiri raf- og metanbíla og þjónustu við þá auk bættrar endurvinnslu og aukins næmis fyrir umhverfi og náttúru. Þessir þættir tengjast allir ferðamennsku og þjónustu nánum böndum. Hann segir erfitt að geta sér til um ástæðu þess að hér þokist lítið í þessa átt en telur ekki útilokað að það skýrist af því að alþingismenn og aðrir sem stjórni landinu séu fáir með sérfræðimenntun. Að baki þeim standi sérhagsmunahópar, sem togi hver í sína áttina. Það skili sér í því að þjóðin gangi ekki í takt og virðist fremur spóla í sama farinu en ganga inn í framtíðina, jafnvel verða fyrirmynd og virkur þátttakandi í alþjóðasamfélaginu. „Þið verðið að láta sérfræðinga móta framtíðarstefnuna, ekki leikmenn, sem hafa ekki þekkingu til þess, eða hagsmunahópa. Í nútímanum er þetta spurning um að snæða eða verða snæddur. Ég er hræddur um að þið eigið á hættu að falla í seinni hópinn,“ segir hann. @Mark.Undirskrift:jonab@frettabladid.is Mest lesið Viðvörunarbjöllur glymja vegna Kína og sjaldgæfra málma Viðskipti erlent Meðallaun 758 þúsund á mánuði Viðskipti innlent Skor flytur: „Ansi þreytt“ að þurfa að reka fólk út klukkan tíu Viðskipti innlent Saka hagfræðing SFF um að reyna að draga úr samkeppni í tryggingum Viðskipti innlent Ráðinn framkvæmdastjóri Janusar heilsueflingar Viðskipti innlent Tollar á ál og stál hækka Viðskipti erlent Ríkið greiddi 25 milljarða í laun Viðskipti innlent Íslenskir kvenstjórnendur: Bjartsýnar en með áhyggjur af stríði Atvinnulíf Sveiflujöfnunarauki helst óbreyttur Viðskipti innlent Björn Berg svarar lesendum: Eyðir alltaf neyðarsjóðnum í vitleysu Neytendur Fleiri fréttir Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Nýr verslunarkjarni opnaður á Selfossi Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Dolores ráðin forstöðumaður hjá OK Shein ginni neytendur til skyndikaupa Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma „Grindavíkuráhrifin“ leiða til talsverðrar hækkunar hjá nágrönnum Indó skoraði hæst í Sjálfbærniásnum Fasteignamat hækkar um 9,2 prósent á milli ára Bein útsending: Fasteignamat 2026 kynnt Verðbólga lækkar um 0,4 stig Sjá meira
Stjórnvöld eiga að nýta kreppuna og byggja upp nýjan iðnað. Draga á úr stuðningi við landbúnað, sjávarútveg og áliðnað. Þrátt fyrir áherslu á ferðaþjónustu má ganga enn lengra, að sögn Seiichiro Yonekura, forstöðumanns í nýsköpunarfræðum við Hitotsubashi-háskólann í Japan. Gera verður landið að einu kjördæmi og færa ákvarðanavald frá sveitarstjórnum til stjórnvalda. Það styður betur við nýsköpun. Þá eiga stjórnvöld að móta stefnu til framtíðar og velja hvaða geira skuli styðja við. Kreppan er tilvalið augnablik til mikilvægra sviptinga, jákvæðra breytinga. Þetta segir dr. Seiichiro Yonekura, forstöðumaður rannsóknamiðstöðvar í nýsköpunarfræðum við Hitotsubashi-háskólann í Tókýó. Hann mælir með því að dregið verði úr stuðningi við landbúnað, uppbyggingu í áliðnaði og stuðningi við sjávarútveg. Það hafi verið gert nógu lengi. Snúa verði við blaðinu og láta fyrirtæki í þessum geira standa á eigin fótum, þau geti aðlagast. Yonekura flutti erindi í síðustu viku á morgunverðarfundi Viðskiptaráðs Íslands, Sendiráðs Japans á Íslandi, Háskólans í Reykjavík og japanskra fræða við Háskóla Íslands þar sem hann fjallaði um uppbyggingu nýrra atvinnuvega. Veljið sigurvegaraYonekura sagði í samtali við Fréttablaðið Japan hafa verið í rúst í kjölfar seinni heimsstyrjaldarinnar. Yoshida Shigeru, forsætisráðherra Japans árin 1946 til 1947, hafi sett á laggirnar nefnd sérfræðinga sem hafi ákveðið að leggja áherslu á uppbyggingu atvinnulífsins. Ekki hafi verið byggt á þeim þáttum sem fyrir voru, svo sem landbúnaði, heldur ákveðið að leggja áherslu á stáliðnað, kolavinnslu, skipasmíði og uppbyggingu í efnaiðnaði. Þessir geirar hafi stutt hver við annan og til dæmis bílaframleiðsla sprottið upp úr því. Þá hafi efnaiðnaðurinn stutt við matvælaframleiðslu og landið orðið sjálfbærara. Það sama hafi verið gert í öðrum Asíuríkjum eftir fjármálakreppuna, svo sem í Suður-Kóreu en þar var byggður upp hátæknigeiri og kraftur settur í bílaframleiðslu. Með þessu móti hafi stjórnvöld valið sigurvegara, þá geira sem áttu að standa upp úr. Yonekura segir Japana hafa gengið í takt eftir seinni heimsstyrjöld og landið því risið fljótt úr rústunum. Öðru máli gegni hér. „Þið eru aðeins um 320 þúsund og skortir samstöðu. Það er ótrúlegt,“ segir Yonekura og bendir á að Íslendingar séu álíka margir og starfsmenn í alþjóðlegu fyrirtæki. Þar geti allir stefnt að sama marki. Blaðinu snúið við í kreppuYonekura segir mikilvægt að nýta kreppuna til að leggja áherslu á uppbyggingu nýs iðnaðar hér á landi, svo sem í umhverfistækni. Hann vill sjá hér grænna samfélag í verki, svo sem fleiri raf- og metanbíla og þjónustu við þá auk bættrar endurvinnslu og aukins næmis fyrir umhverfi og náttúru. Þessir þættir tengjast allir ferðamennsku og þjónustu nánum böndum. Hann segir erfitt að geta sér til um ástæðu þess að hér þokist lítið í þessa átt en telur ekki útilokað að það skýrist af því að alþingismenn og aðrir sem stjórni landinu séu fáir með sérfræðimenntun. Að baki þeim standi sérhagsmunahópar, sem togi hver í sína áttina. Það skili sér í því að þjóðin gangi ekki í takt og virðist fremur spóla í sama farinu en ganga inn í framtíðina, jafnvel verða fyrirmynd og virkur þátttakandi í alþjóðasamfélaginu. „Þið verðið að láta sérfræðinga móta framtíðarstefnuna, ekki leikmenn, sem hafa ekki þekkingu til þess, eða hagsmunahópa. Í nútímanum er þetta spurning um að snæða eða verða snæddur. Ég er hræddur um að þið eigið á hættu að falla í seinni hópinn,“ segir hann. @Mark.Undirskrift:jonab@frettabladid.is
Mest lesið Viðvörunarbjöllur glymja vegna Kína og sjaldgæfra málma Viðskipti erlent Meðallaun 758 þúsund á mánuði Viðskipti innlent Skor flytur: „Ansi þreytt“ að þurfa að reka fólk út klukkan tíu Viðskipti innlent Saka hagfræðing SFF um að reyna að draga úr samkeppni í tryggingum Viðskipti innlent Ráðinn framkvæmdastjóri Janusar heilsueflingar Viðskipti innlent Tollar á ál og stál hækka Viðskipti erlent Ríkið greiddi 25 milljarða í laun Viðskipti innlent Íslenskir kvenstjórnendur: Bjartsýnar en með áhyggjur af stríði Atvinnulíf Sveiflujöfnunarauki helst óbreyttur Viðskipti innlent Björn Berg svarar lesendum: Eyðir alltaf neyðarsjóðnum í vitleysu Neytendur Fleiri fréttir Ríkið greiddi 25 milljarða í laun Skor flytur: „Ansi þreytt“ að þurfa að reka fólk út klukkan tíu Meðallaun 758 þúsund á mánuði Saka hagfræðing SFF um að reyna að draga úr samkeppni í tryggingum Bein útsending: Kynna yfirlýsingu fjármálastöðugleikanefndar Sveiflujöfnunarauki helst óbreyttur Ráðinn framkvæmdastjóri Janusar heilsueflingar Fyrsta sinni í mörg herrans ár neftóbakslaust í Leifsstöð Mun stýra Starfsþróunarsetri BHM Tilfallandi neftóbaksskortur veldur skjálfta 134 sagt upp í þremur hópuppsögnum Ingvi Steinn frá Arion til Defend Iceland Ferjuleiðir taka við rekstri ferjunnar Baldurs Nýr verslunarkjarni opnaður á Selfossi Íslensk fyrirtæki geti endurheimt verulegar fjárhæðir Í hópi þeirra sem hlutu Viator Experience-verðlaunin Heiður Björk tekur við eftir brotthvarf Gunnars Egils GeoSilica hefur framleiðslu á Þeistareykjum Sigurður Jökull stýrir Cruise Iceland Taka við nýjum forstöðumannastöðum hjá Krónunni Dolores ráðin forstöðumaður hjá OK Shein ginni neytendur til skyndikaupa Annar banki býður betra verð en hinn með sömu eigendur Þau keyptu fyrir tuttugu milljónir í útboðinu Sameining við Kviku banka mun taka langan tíma „Grindavíkuráhrifin“ leiða til talsverðrar hækkunar hjá nágrönnum Indó skoraði hæst í Sjálfbærniásnum Fasteignamat hækkar um 9,2 prósent á milli ára Bein útsending: Fasteignamat 2026 kynnt Verðbólga lækkar um 0,4 stig Sjá meira