Alfreð gagnrýnir þýska handknattleikssambandið

Alfreð Gíslason sendir þýska handknattleikssambandinu tóninn í viðtali við þýska dagblaðið Sport-Bild í dag. Alfreð er þjálfari Þýskalands- og Evrópumeistara Kiel.

Hann er að svara ummælum Heiner Brand, landsliðsþjálfara Þýskalands, sem hefur áður gagnrýnt Kiel fyrir að vera með fáa þýska handboltamenn í sínum röðum.

„Ég veit til þess að þýska handknattleikssambandið hefur ráðlagt þýskum landsliðsmönnum að ganga ekki til liðs við Kiel," sagði Alfreð. „Það gera þeir því hjá okkur á enginn leikmaður öruggt sæti í liðinu."

„Kiel hefur áður viljað fá þýska landsliðsmenn til liðs við félagið, til að mynda þá Pascal Hens, Holger Glandorf og Michael Kraus. En þeir vildu ekki koma," bætti hann við.