Um tugur jarðskjálfta undir Eyjafjallajökli

Um tugur jarðskjálfta hafa mælst undir Eyjafjallajökli frá miðnætti en þeir hafa allir verið minni en 2 að stærð. Almannavarnanefnd lögreglustjórans á Hvolsvelli fundar með Vísindamönnum kukkan fjögur í dag. Ekkert hefur verið flogið yfir eldstöðarnar í dag vegna veðurs.

Samhæfingarstöðin í Skógarhlíð 14 hefur verið virkjuð allan sólarhringinn frá því að gos hófst í Eyjafjallajökli og verður það enn um sinn. Stöðug vöktun er með jöklinum í samstarfi við almannavarnir í umdæminu og vísindamenn.

Vísindamannafundur var haldinn í Samhæfingarstöðinni kl. 11.30 dag. Gosórói hefur verið svipaður í dag og í gær og inn á milli hafa komið sterkari hviður og kom ein öflug um sjöleitið í morgun.