Þingflokkarnir meta stöðuna

Þingfundir eru nú að hefjast hjá Samfylkingunni og Vinstri grænum þar sem staðan verður metin í kjölfar ákvörðunar forseta um að synja lögum um ríkisábyrgð í Icesave-málinu staðfestingar. Þingflokkarnir funda sitt í hvoru lagi til að byrja með en síðan má gera ráð fyrir því að meirihlutinn hittist til að ráða ráðum sínum.

Aðspurð um framtíð ríkisstjórnarinnar í hádeginu vildi Jóhanna Sigurðardóttir forsætisráðherra ekkert tjá sig og vísaði til þess að fyrst þyrftu þingflokkarnir að ræða saman.