Nuddari strákanna okkar fær köku ársins að gjöf

Hilmir Hjálmarsson, höfundur köku ársins, mun í dag afhenda Ingibjörgu Ragnarsdóttur, liðsstjóra karlalandsliðsins í handbolta, köku í virðingarskyni fyrir framlag hennar til góðs gengis landsliðsins á Evrópumeistaramótinu.

Hilmir vinnur hjá Sveinsbakaríi og bar sigur úr býtum í keppni um Köku ársins sem Landssamband bakarameistara efnir árlega til. Sala á kökunni í bakaríum félagsmanna Landssambands bakarameistara hefst um næstu helgi, konudagshelgina.

Sigurkakan er samsett úr dökkum súkkulaðibotni, hvítum botni, núggatmús og hjúpuð með dökkum Konsum orange súkkulaðihjúp.

Athöfnin fer fram í Sveinsbakaríi, Skipholti 50 b, klukkan kl. 16:00 í dag.