Seðlabankastjóri í formennsku fyrir eignaumsýslu bankans

Samkvæmt upplýsingum frá bankanum eru eignir Eignasafns Seðlabanka Íslands ehf. ýmsar kröfur og tryggingar sem bankinn fékk frá viðskiptaaðilum sínum vegna dag- og veðlánaviðskipta fyrir bankahrunið haustið 2008.

Meðal trygginga eru verðbréf, útgefin af gömlu fjármálafyrirtækjunum, fasteignabréf og aðrar eignir sem fjármálafyrirtæki lögðu fram í aðdraganda og í kjölfar bankahrunsins.

Undir eignasafnið falla eignir og tryggingar sem fluttar höfðu verið til ríkissjóðs í árslok 2008 en Seðlabankinn hefur nú keypt aftur á bókfærðu verði.

Enn er unnið að útfærslu mála, en nánari grein verður gerð fyrir þessum þáttum í ársskýrslu bankans og á ársfundi hans 25. mars næstkomandi.