Erlent

Víggirðing um Jyllandsposten

Óli Tynes skrifar
Múhameðsteikningarnar vöktu mikla reiði múslima.
Múhameðsteikningarnar vöktu mikla reiði múslima.

Danska blaðið Jyllandsposten hefur reist kílómetralanga öryggisgirðingu um höfuðstöðvar sínar í Árósum.

Ástæðan er hótanir sem blaðinu hafa borist vegna Múhameðsteikninganna svokölluðu. Það var leyniþjónusta dönsku lögreglunnar sem ráðlagði girðinguna.

Hún er tveir og hálfur metri að hæð og á henni eru margar öryggismyndavélar. Upp við girðinguna að innanverðu hefur verið komið fyrir stórum grjóthnullungum sem eiga að stöðva bíla sem hugsanlega yrði ekið á hana.

Listamennirnir sem teiknuðu Múhameð hafa einnig fengið hótanir og eru undir lögregluvernd. Reynt hefur verið að myrða tvo þeirra.





Athugið. Vísir hvetur lesendur til að skiptast á skoðunum. Allar athugasemdir eru á ábyrgð þeirra er þær rita. Lesendur skulu halda sig við málefnalega og hófstillta umræðu og áskilur Vísir sér rétt til að fjarlægja ummæli og/eða umræðu sem fer út fyrir þau mörk. Vísir mun loka á aðgang þeirra sem tjá sig ekki undir eigin nafni eða gerast ítrekað brotlegir við ofangreindar umgengnisreglur.

Mest lesið


Fleiri fréttir

Sjá meira


×

Mest lesið