Jinky er ekki dóttir Bobbys Fischer

Niðurstaða úr DNA greiningu á lífssýnum úr skákmeistaranum Bobby Fischers liggja fyrir. Niðurstöðurnar benda til þess að ekki sé skyldleiki milli Fischers og stúlkunnar sem sögð var vera dóttir hans, samkvæmt heimildum Vísis

Hæstiréttur úrskurðaði í júnímánuði að líkamsleifar Fischers skyldu grafnar upp í þeim tilgangi að fá lífsýni úr honum. Ástæðan var deila um arf Fischers en hin fillipsseyska Marylin Young fullyrti að hún ætti dótturina Jinky Young með Fischer.

Niðurstaða krufningarinnar var afhent í Héraðsdómi Reykjavíkur í morgun, eftir því sem fram kemur á fréttavef RÚV.