Vel gengur að endurheimta eignir Kaupþings

Vel gengur að endurheimta og endurskipuleggja eignir gamla Kaupþings og og samkvæmt uppfærðri skýrslu skilanefndar bankans hafa 29 milljarðar innheimst af lánum úr eignasöfnum á Norðurlöndunum og í Evrópu.

Þessi inmnhemtu lán nema 5,5% af eignasafninu á Norðurlöndunum og 8,5% af eignasafninu í Evrópu m.v. nafnverð þeirra.

Frá því fyrir áramót hefur tekist að endurskipuleggja töluverðan hluta af eignasafni Kaupþing í Evrópu og á Norðurlöndunum. Endurskipulagningin á eignum í Evrópu nær til 68% þeirra og þar af hefur að fullu verið lokið endurskipulagningu á 40%.

Hvað eignasafnið á Norðurlöndunum varðar er búið að endurskipulegga 45% af eignunum og þar af 11% að fullu. Í desember s.l. var 76% af eignunum í Evrópu á athugunarlista (watch list) þ.e. óljóst með endurheimtur og 44% af eignasafninu á Norðurlöndunum.

Eignarsöfnin sem verið er að endurskipuleggja eru 162 milljarðar kr. að nafnverði í heild sinni. Af þeirri upphæð eru níu eignir upp á 110 milljarða kr. þar sem endurskipulagninu er lokið.

Núna eru aðeins 21% af eignunum í Evrópu og 14% af eignunum á Norðurlöndunum enn á skoðunarlistanum.