Eintak af bók Lewis Carroll boðið upp

Eintak af bók breska rithöfundarins Lewis Carroll, Gegnum spegilinn, sem var framhaldið af bók hans um Lísu í Undralandi, verður seld á uppboði í Los Angeles í desember. Um er að ræða eintak sem var í eigu bresku stúlkunnar Alice Liddell en hún var fyrirmynd Carroll að Lísu. Lewis Carroll var reyndar í raun stærðfræðiprófessorinn og heimspekingurinn Charles Dodgson við Oxford-háskóla en Alice var nágranni hans og sagði hann henni gjarnan ævintýrasögur sem síðar urðu að bókum hans. Búist er við að allt að 150.000 dollarar fáist fyrir bókina.