Bláum bíl Bootcampþjálfara stolið í nótt

Inga Þóra Ingadóttir Bootcamþjálfari varð nokkuð hissa þegar hún vaknaði í morgun. Þá áttaði hún sig á því að Electick bláum PT Cruiser bíl hennar hafði verið stolið. Bíllinn hefur skráningarnúmerið SM 050 og var stolið á bilinu 3 til 6 í morgun að hennar sögn.

„Þetta var sko ekkert ljóskumál í mér, heldur hafa þetta verið einhverjir professionalgæjar," segir Inga aðspurð hvort hún hafi gleymt lyklunum í bílnum í nótt.

Bíllinn stóð fyrir utan heimili hennar á Túngötu í miðbæ Reykjavíkur en einungist tveir svona bláir PT Cruiser eru til á landinu að hennar sögn.

Þeir sem hafa orðið varir við bílinn eða geta gefið einhverjar upplýsingar eru beðnir um að hafa samband við Ingu í síma 8677538 eða þá við lögreglu.