FME sektar SP-Fjármögnun og Sparisjóð Mýrarsýslu

Fjallað er um málin á vefsíðu FME. Þar kemur fram að SP-Fjármögnun er sektuð fyrir að hafa sem útgefandi skráðra fjármálagerninga ekki birt árshlutareikning á réttan hátt á tilskildum tíma.

Í lögunum er kveðið á um skyldu útgefenda um að birta almenningi á Evrópska efnahagssvæðinu reglulegar upplýsingar útgefanda, eins fljótt og auðið er og á jafnræðisgrundvelli. Ábyrgð á að upplýsingar séu gerðar opinberar hvílir á útgefanda.

Sparisjóður Mýrasýslu sem útgefandi skráðra fjármálagerninga braut gegn lögunum með því að birta ekki innherjaupplýsingar á réttan hátt á tilskildum tíma. Í lögunum er kveðið á um skyldu útgefenda um að birta almenningi á Evrópska efnahagssvæðinu allar þær innherjaupplýsingar sem varða hann eins fljótt og auðið er og á jafnræðisgrundvelli.

Báðum málunum lauk með sátt og sektargreiðslum eins og að framan greinir.