Börn sem hafa horfið en fundist árum síðar

Nú þegar fréttir af Jaycee Lee Dugard fara sem eldur í sinu um heimsbyggðina hefur fréttastofa Sky rifjað upp tilfelli þar sem börn hafa horfið árum saman en fundist á lífi.

Nýjasta tilfellið er mál Jaycee Lee Dugard. Henni var sem hvarf fyrir átján árum en kom í leitirnar í gær. Hjón á sextugsaldri eru í haldi lögreglu í Kaliforníu vegna ásakana um að þau hafi rænt Jaycee og haldið henni í kynlífsþrælkun í átján ár. Maðurinn, sem er dæmdur kynferðisbrotamaður, mun hafa nauðgað henni og hún alið honum tvö börn.

Vitni sá konu og mann leiða hina ellefu ára gömlu Jaycee Lee Dugard á brott með sér þann tíunda júní 1991. Móðir hennar og stjúpfaðir leituðu hennar ákaft fyrstu árin á eftir en voru hin síðari ár búin að gefa upp alla von um að finna hana aftur á lífi.

Málið komst upp þegar Garriado, sem hlotið hefur dóm fyrir kynferðisbrot og má ekki annast börn, sást á lóð Berkeley háskóla með börnunum sem Dugard ól hönum. Hún hafði verið geymd í skúr í garði hjónanna sem bjuggu í smábænum Antioch, nærri San Francisco. Það er um hundrað og sextíu kílómetrum frá heimabæ Dugard.

Elizabeth Smart

Elizabeth var rænt úr svefnhergi sínu af vopnuðum manni í júní 2003. Stúlkan var þá fjórtán ára. Níu mánuðum síðar fannst hún, einungis rúmum þrjátíu kílómetrum frá heimili sínu.

Predikarinn Brian David Mitchell, sem trúði á fjölkvæni og taldi sig vera spámann, var kærður fyrir vopnað mannrán. Kona hans, Wanda Brazee var einnig ákærð í málinu.

Þau skötuhjú eru enn í haldi en aldrei hefur verið réttað yfir þeim þar sem þau voru bæði úrskurðuð ósakhæf vegna andlegra kvilla.

Elizabeth er 21 árs í dag og leggur stund á tónlistarnám í háskóla.



Natascha Kampusch

Natöschu Kampusch var rænt á leið sinni til skóla árið 1988. Henni var haldið fanginni í húsi rétt utan við Vín í átján ár.

Fangari hennar,Wolfgang Priklopil, hélt henni í földum kjallara undir bílskúrnum hans og hótaði að drepa hana ef hún myndi reyna að flýja.

Í ágúst árið 2006, náði hún svo að flýja þegar Priklopil var að þrífa bílinn sinn. Hann framdi sjálfsmorð þegar með því að stökkva fyrir lest þegar lögregla veitti honum eftirför.

Elisabeth Fritzl

Sögu Elisabeth Fritzl þekkja flestir. Hún var í stofufangelsi föður síns í 24 ár í austuríska bænum Amstetten.

Á árunum 1984 til 2008 byrlaði hann henni ólyfjan, nauðgaði henni og eignaðist með henni sjö börn. Þremur þeirra var haldið neðanjarðar hjá móður sinni.

Joseph Fritzl var dæmdur í lífstíðarfangelsi þegar hann var sakfelldur fyrir morð, nauðgun, þrælahald og syfjaspell.

Shawn Hornbeck

Shawn Hornbeck var tekinn píndur af Michael Devlin um fjögurra ára skeið en Devlin rændi Hombeck árið 2002 þegar hann var einungis ellefu ára gamall.

Devlin var gómaður þegar lögregla gerði uppþot á heimili hans eftir að hann hafði reynt að ræna öðrum þrettán ára dreng.

Hann afplánar nú lífstíðardóm í fangelsi.

Steven Stayner

Hinum sjö ára gamla Steven Stayner var rænt í Kaliforníu af Kenneth Parnell þegar hann var á leið sinni heim úr skólanum.

Parnell byrjaði að kalla Steven nafninu Dennis og kynnti hann fyrir fólki sem son sinn. Þeir fluttu víða um Kaliforníu og Parnell skráði Steven í fjölda skóla.

Árið 1980 náði Steven að flýja ásamt öðrum dreng meðan Parnell var í vinnunni. Steven lést í mótorhjólaslysi níu árum síðar.