Páfa hugnast ekki vampírur

Bækur, sjónvarpsþættir og kvikmyndir um vampírur virðast vera að verða tískufyrirbæri enn einusinni.

Ekki síst eru það kvikmyndir sem gerðar eru eftir bókaflokki Stephanie Meyer um táninga-blóðsugur sem njóta vinsælda meðal unga fólksins.

Bækur hennar hafa selst í áttatíu og fimm milljónum eintaka um allan heim. Sýningar eru nú hafnar á nýjustu myndinni í þeim flokki, Nýtt tungl. Páfagarði líst illa á þetta fyrirbæri.

-Í þessari mynd er hættuleg blanda af fallegum persónum sem og fikti við hið yfirnáttúrlega, sagði Franco Perazzolo preláti í Páfagarði.

-Í henni er siðferðilegt tómarúm sem er hættulegra en nokkur ónáttúrulegur boðskapur.