Gagnagrunnur um tengsl í viðskiptalífinu: Tekjustofn fyrir ríkið

Jón Jósef Bjarnason tölvunarfræðingur áætlar að opna nýjan gagnagrunn með upplýsingum um fyrirtæki og tengsl í viðskiptalífinu síðar í þessum mánuði.

Ríkisskattstjóri lét stöðva vinnslu gagnagrunnsins í september en að fengnu samþykki Persónuverndar hófst vinnsla við gagnagrunninn á ný. Jón Jósef segist hafa þurft að breyta hugmyndum sínum talsvert vegna gjaldskrár Ríkisskattstjóra en Ríkisskattstjóri mun innheimta 300 krónur fyrir hverja uppflettingu notenda grunnsins. Sú gjaldtaka byggist á reglugerð sem sett var árið 2006.

Jón Jósef áformar einnig að hafa í gagnagrunninum upplýsingar um stjórnir stéttarfélaga og lífeyrissjóða.

Persónuvernd hefur gert athugasemdir við þá fyrirætlan og hefur málið til meðferðar.

Einnig verða í grunninum upplýsingar um kvótakerfið; eigendur fiskveiðiheimilda og sölu og leigu aflaheimilda milli aðila.