Rúnar Kárason lék sinn fyrsta leik með Füchse Berlín í þýsku úrvalsdeildinni í dag. Þetta var einnig fyrsti leikur liðsins í deildinni undir stjórn Dags Sigurðssonar.
Rúnar skoraði þrjú mörk í fimm marka sigri á Minden á útivelli, 26-21.
Gylfi Gylfason og Ingimundur Ingimundarson skoruðu eitt mark hvor fyrir Minden í leiknum.
Þá unnu nýliðar Hannover-Burgdorf sigur á Balingen, 28-27, á heimavelli. Hannes Jón Jónsson kom ekki við sögu í liði Burgdorf.
Rúnar með þrjú mörk í sigri Füchse Berlín
