Á sjöunda þúsund krefjast kosninga á kjósa.is

Á sjöunda þúsund Íslendinga hafa skráð sig til stuðnings kröfu um kosningar til Alþingis eins fljótt og mögulegt er, á vefnum Kjósa.is. Með því taka þeir undir það sjónamið, sem sett er fram á vefnum, að ekki sé hægt að hefja uppbyggingarstarf eftir bankahrunið nema með endurskoðuðu umboði stjónrvalda.

Þá ætla Njörður P. Njarðvík og Ólína Þorvarðardóttir að hleypa af stokkunum undirskriftasöfnun á netinu í dag þar sem þjóðinni gefst kostur á að skora á Alþingi að samþykkja að boða til stjórnlagaþings, eða nýs þjóðfundar, sem hafi það hlutverk að semja nýja stjórnarskrá, meðal annars með skýrri aðgreiningu löggjafarvalds og framkvæmdavalds.

Í tilkynningu segir að Ólína og Njörður fari fyrir hópi Íslendinga sem telji brýnt að endurreisa traust í þjóðfélaginu.