Alfreð þjálfari ársins í Þýskalandi

Alfreð Gíslason hefur verið útnefndur þjálfari ársins í þýsku úrvalsdeildinni í handbolta í annað sinn á ferlinum.

Alfreð hefur náð frábærum árangri með Kiel í vetur og hefur liðið þegar tryggt sér meistaraititlinn. Liðið hefur unnið 30 af 32 deildarleikjum, gert eitt jafntefli og tapað einum.

Þetta er í annað sinn sem Alfreð er kjörinn þjálfari ársins, en hann varð einnig fyrir valinu árið 2001 þegar hann stýrði Magdeburg.

Markvörðurinn Thierry Omeyer hjá Kiel var kjörinn leikmaður tímabilsins.