Breska efnahagsbrotadeildin rannsakar lánabók Kaupþings

Efnahagsbrotadeild breska ríkisins, (serious fraud office (SFO)) ætlar að herða rannsókn á Kaupþingi í tengslum við lánabókina sem var lekið út á síðuna wikileaks.org fyrir helgi.

Þetta kemur fram á vef breska blaðsins The Daily Telegraph í kvöld.

Þar segir að SFO hafi eflt rannsókn sína á Kaupþingi og sé nú að safna yfirgripsmiklum upplýsingum um málið. Samkvæmt Telegraph hafa fleiri uppljóstrarar stigið fram og tjáð sig og enn er leitað að fleiri upplýsingum.

Í greininni segir að þrátt fyrir að engin lög virðist hafa verið brotin, þá er rannsóknin ein alvarlegur áfellisdómur.

Eins og fram hefur komið þá sýndi lánabókin fram á gríðarleg há lán bankans til tengdra aðila, margir þeirra voru þekktir úr breska viðskiptalífinu.

Jóhanna Sigurðardóttir, forsætisráðherra, notaði orðin markaðsmisnotkun og siðleysi þegar fjölmiðlar ræddu við hana um málið í dag.