Hrossagaukur sást uppi í tré

Hrossagaukur sást í tré í Heiðmörk á miðvikudaginn. Aðalsteinn Agnarsson tók myndirnar, en hann var á göngu þar. Þetta er ekki algeng sjón, en eins og sjá má af einni myndinni grípur hrossagaukurinn þéttingsfast í greinarnar til að halda sér í.

„Hrossagaukar verpa oftast í skóglendi en ég man ekki eftir að hafa séð þá sitjandi uppi í tré. Maður sér þá hins vegar oft á girðingarstaurum,“ segir Ólafur Karl Nielsen, doktor í vistfræði, sem jafnframt staðfesti að um hrossagauk væri að ræða.

Hrossagaukurinn er af strandfuglaætt. Hann er þekktastur fyrir fagran söng þar sem hann hneggjar á flugi. Fuglinn kemur til Íslands í apríl eftir vetrardvöl á Írlandi. Heimkynni hans eru mýrar, fen, túndrur og votir hagar.- vsp