Helena og María Ben töpuðu báðar í nótt

Háskólalið Helenu Sverrisdóttur og Maríu Ben Erlingsdóttur töpuðu bæði sínum leikjum sínum í A-deild háskólaboltans í Bandaríkjunum í gær.

TCU tapaði sínum fyrsta deildarleik er það steinlá fyrir Wyoming, 62-45. Helena skoraði sjö stig í leiknum en hún var með frábæra skotnýtingu og klikkaði aðeins á einu skoti í leiknum.

Hún tók tvö fráköst en tapaði tveimur boltum á þeim átján mínútum sem hún lék í leiknum.

María Ben var stigahæst sinna manna í UTPA sem tapaði fyrir Cal State-Bakersfield í nótt, 87-63. Hún skoraði tólf stig í leiknum og hitti úr þremur af átta skotum utan af velli og nýtti sex af sjö vítaköstum.

Þetta var fjórði tapleikur UTPA í röð.