Nærri 700 þúsund hafa flúið heimili sín vegna flóða í Indlandi

Tæplega 680 þúsund manns hafa nú neyðst til að yfirgefa heimili sín vegna flóðanna í Bihar-héraði á Indlandi og 66 hafa látist.

Stjórn landsins vinnur nú að því að koma mat og hjálpargögnum til flóðasvæðanna en mikið tjón hefur oriðn í mörg þúsund þorpum nálægt landamærum Indlands og Nepal.

Flóðin hófust með því að stífla í á í Nepal brast í kjölfar mikils regns og flæddi hún yfir bakka sína og breytti um farveg með þeim afleiðingum að vatn flæddi yfir Bihar-hérað.