Segir Bakkavör komna á svartan lista verkalýðshreyfinga

Íslenska útrásarfyrirtækið Bakkavör hefur skipað sér á bekk illa þokkaðra fyrirtækja í Evrópu og á heimsvísu að mati launþegasamtaka. Fyrirtækið virðist eiga við fjárhagsörðugleika að stríða og mun því segja upp um 1500-2000 manns af um 14.000 starfsmönnum sínum á Bretlandseyjum.

Þetta kemur fram á vefsíðu Starfsgreinasambands Íslands. Þar segir að Bakkavör virðist ekki fara að lögum um evrópsk samstarfsráð sem skylt er að starfrækja í fjölþjóðlegum fyrirtækjum á evrópska efnahagssvæðinu.

Einnig hefur fyrirtækið valið að vilja ekki undirgangast þá eðlilegu kröfu að virða grundvallarréttindi launafólks og hafnar samstarfi við hina evrópsku og alþjóðlegu verkalýðshreyfingu í því sambandi. Þess var óskað i framhaldi af staðhæfingum um að Bakkavör bryti á bak aftur tilraun starfsmanna til að stofna verkalýðsfélag til að semja um kaup og kjör hjá fyrirtækinu í Bandaríkjunum.

Þá hefur fyrirtækið neitað samstarfi við IUF, Alþjóðasamtök starfsfólks í matvælaiðnaði og Starfsgreinasamband Íslands og undirrita viljayfirlýsingu um að fyrirtækið vilji framfylgja leikreglum Alþjóða vinnumálstofnunarinnar (ILO) um grundvallarréttindi launafólks. Þess var óskað i framhaldi af staðhæfingum um að Bakkavör bryti á bak aftur tilraun starfsmanna til að stofna verkalýðsfélag til að semja um kaup og kjör hjá fyrirtækinu í Bandaríkjunum.

Bakkavör kannaðist við ásakanirnar, og sagði að viðræður hafi átt sér stað við verkalýðshreyfinguna í Bandaríkjunum en að farið hafi verið að bandarískum lögum, þar sem ekki væri skylt að gera kjarasamning við starfsmenn, ef ekki væri stofnað og starfrækt verkalýðsfélag við fyrirtækið.