Massa fremstur á ráslínu í Singapúr

Brasilíumaðurinn Felipe Massa náði besta tíma í tímatökum á götum Singapúr í dag. Tímatakan fór fram að kvöldlagi að staðartíma á flóðlýstri götubraut. Lewis Hamilton á McLaren varð annar og Kimi Raikkönen á Ferrari þriðji.

Allir fyrstu sex ökumennirnir á ráslínu eiga möguleika á meistaratitili ökumanna, þegar fjórum mótum er ólokið. Hamilton er með eins stigs forskot á Massa, en Robert Kubica og Kimi Raikkönen koma næstir.

Tímatakan var mjög spennandi og réðust úrslit ekki fyrr en síðustu bílar komu í endamark í lokaumferðinni. Massa lagði línurnar í næst síðasta hring og var með besta tíma. En Hamilton bætti um betur í lokahring sínum, en Massa svaraði að bragði og hirti fyrsta sætið.

Mikil oru vonbrigði Fernando Alonso í dag. Hann var með besta tíma á lokaæfingunni fyrir tímatökuna og ók vel í fyrstu umferð tímatökunnar. En í annarri umferð dó á bílnum og hann verður aðeins fimmtándi á ráslínu.

Sjá ítarefni um mótið í Singapúr

Tímarnir í tímatökunni

1. Massa Ferrari 1:44.801

2. Hamilton McLaren 1:45.465

3. Raikkonen Ferrari 1:45.617

4. Kubica BMW Sauber 1:45.779

5. Kovalainen McLaren 1:45.873

6. Heidfeld BMW Sauber 1:45.964

7. Vettel Toro Rosso 1:46.244

8. Glock Toyota 1:46.328

9. Rosberg Williams-Toyota 1:46.611

10. Nakajima Williams-Toyota 1:47.547

11. Trulli Toyota 1:45.038

12. Button Honda 1:45.133

13. Webber Red Bull-Renault 1:45.212

14. Coulthard Red Bull-Renault 1:45.298

15. Alonso Renault engin tími

16. Piquet Renault 1:46.037

17. Bourdais Toro Rosso- 1:46.389

18. Barrichello Honda 1:46.583

19. Sutil Force India 1:47.940

20. Fisichella Force India