Bjarni íhugar stöðu sína

Bjarni Harðarson, þingmaður Framsóknarflokksins, íhugar nú stöðu sína eftir að hann sendi í gær aðstoðarmanni sínum fyrirmæli um að senda bréf, þar sem ráðist er harkalega á Valgerði Sverrisdóttur varaformanni, undir nafnleynd á íslenska fjölmiðla. Svo illa vildi til að fyrirmælin bárust öllum fjölmiðlum landsins.

Vísir hefur í morgun reynt að ná tali af þingmanninum en án árangurs. Hins vegar hefur Vísir vitneskju um að Bjarni skoði nú sína stöðu. Búist er tíðindum af málinu í dag.

Valgerður Sverrisdóttir sagði í samtali við Bítið á Bylgjunni í morgun að hún teldi Bjarna illa sætt áfram á þingi vegna þessa máls en hygðist þó ekki fara fram á afsögn hans.