Ísland 23 stigum undir i hálfleik

Ísland leikur nú gegn Svartfjallalandi í B-deild Evrópumótsins í körfubolta í Laugardalshöllinni en Svartfellingar hafa væna forystu í hálfleik, 47-24.

Ísland byrjaði þó ágætlega og komst í 6-2 forystu en þá komu átta stig í röð frá Svartfellingum og þeir tóku öll völd í leiknum. Staðan að loknum fyrsta leikhluta var 21-13, gestunum í vil.

Þeir settu svo í fluggír í öðrum leikhluta og skoruðu 26 stig gegn ellefu stigum Íslands.

Jón Arnór Stefánsson hefur skorað flest stig í íslenska liðinu, tíu talsins. Hlynur Bæringsson og Logi Gunnarsson eru með fjögur hvor.